Plantun de Prouvènço

Pèr coumpara dos planto d'encò nostre

Typha angustifolia & Scleranthus perennis

Fielouso

Typha angustifolia

Typhaceae

Àutri noum : Filouso, Paviho-negro, Cire, Sagno, Masseto.

Noms en français : Massette à feuilles étroites, Quenouille à feuilles étroites.

Descripcioun :
Ei pas toujour eisa de destria aquesto fielouso dis àutri paviho. Typha angustifolia a li fueio mens larjo (3-7 mm) aleva d'aquéli di rejit que podon èstre mai larjo (2 cm). A peréu d'auriheto bèn dessinado (fotò) enca qu'acò èi de vèire emé l'auturo de la fueio ! Lou mies es encaro la distànci que desseparo l'espigo masclo de la femelo que fai aperaqui 3,5 cm.

Usanço :
Li fueio de fielouso podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Grando erbo
Taio : 1 à 2 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 9 à 74 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Estang - Roubino - Ribiero
Estànci : Termoumediterran à Coulinen
Couroulougi : Bourealo
Ref. sc. : Typha angustifolia L., 1753

Gnavello(-renadivo)

Scleranthus perennis

Caryophyllaceae

Nom en français : Gnavelle vivace.

Descripcioun :
La gnavello-renadivo trachis sus li lauso e dins li pelouso séusouso, au nostre pulèu en mountagno. A li sepalo redouno e bourdado d'uno marjo membranouso ço que la destrìo de sa cousino de l'an, Scleranthus annuus. Coumpara emé la gnavello-de-l'an que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Scleranthus
Famiho : Caryophyllaceae

Ordre : Caryophyllales

Coulour de la flour : Verdo
Petalo : 5
Ø (o loungour) flour : 1,5 à 2 mm
Flourido : Printèms - Estiéu

Sòu : Si
Autour basso e auto : 0 à 2200 m
Aparado : Noun
Mai à setèmbre

Liò : Tepiero sablouso - Champino - Lauso - Roucas
Estànci : Subremediterran à Subaupen
Couroulougi : Éurousiberiano
Ref. sc. : Scleranthus perennis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Typha angustifolia & Scleranthus perennis

ges

Coumpara Fielouso emé uno autro planto

Coumpara Gnavello(-renadivo) emé uno autro planto